Sevgein: In vitg adattà per pumera

Sevgein ha ina relaziun speziala cun la pumera. Il vitg sa chatta sur Glion en in lieu fitg adattà per pumera. La primavaira flureschan las plantas pir suenter las davosas pruginas e l'atun han ils fritgs ditg sulegl la saira. Dapertut en il vitg datti curtins che dattan al vitg ina parita fitg averta. Ed en mintga curtin sa chatta almain in pumer. Betg mo pumers usitads, era spezialitads e raritads sco per exempel la primbla «prema».