L’atun è bler memia bel per sa serrar en cuschina u en biro. Perquai va RTR en differentas regiuns dal Grischun a far racolta. Quai mintgamai las mesemnas dals mais settember ed october. Quai en nossa seria RTRacolta ...
Tirc e semenza ad Almens ed a Rodels
Avant 10 onns èn Stephan Stutz e Michelle DeFalque sa chasads ad Almens. Lur passiun: multiplitgar e cruschar da tutta sorts semenza. Dentant han els laschà reviver ina veglia sort da tirc da la Tumleastga ch'è mutada en in project da tirc en la regiun. Or dal tirc che crescha a Rodels sin ina surfatscha da radund ina hectara vegnan fatgs chips da tortilla e pulenta. Enturn mez october vegn il tirc indigen raccoltà, e quai tut a maun. Cunquai ch'i sa tracta d'ina sort da temp passà e na d tirc hibrid fissi gnanc pussaivel da racoltar il tirc cun maschinas. Georgina Janki sin ils fastitgs da la passiun per ina veglia tradiziun.
Impressiuns da tradiziuns che revivan e da passiuns
Anfang Bildergalerie
Bildergalerie überspringen
-
Bild 1 von 22. En l'iert da semenza «Lucida». Qua creschan cursch e travers da tuttas sorts legums. Bildquelle: RTR.
-
Bild 2 von 22. Legums ch'ins lascha sapientiv vegnir marsch. Michelle e Stephan dovran surtut ils sems per multiplitgar e cruschar. Bildquelle: RTR.
-
Bild 3 von 22. Tomatas en tuttas variaziuns. Era qua interessescha il pèr passiunà surtut ils sems. Bildquelle: RTR.
-
Bild 4 von 22. Chasa e regress ad Almens. Quà han Michelle e Stephan chattà il lieu per lur passiun. Bildquelle: RTR.
-
Bild 5 von 22. Il champ da tirc a Rodels. Sin ina hectara crescha il «Domleschger». Bildquelle: RTR .
-
Bild 6 von 22. Il gi da la racolta. Quella sort veglia da tirc po be vegnir racoltada a maun. Bildquelle: RTR.
-
Bild 7 von 22. Tut vegn fatg a maun. Senza l'agid da voluntaris che vegnan d'onn ad onn daplirs na giessi betg. Bildquelle: RTR.
-
Bild 8 von 22. Mintga spia da tirc sto vegnir deliberada da ses manti. Michelle DeFalque è dumandada in pau dapertut il di da racolta. Bildquelle: RTR.
-
Bild 9 von 22. Las harassas s'emplainan . Stephan Stutz, era el in pau dapertut en acziun il di da racolta. Bildquelle: RTR.
-
Bild 10 von 22. Dalla harassa en il char annex. I va bain vinavant, ils gidonters èn lavurus. Bildquelle: RTR.
-
Bild 11 von 22. La meritada pausa da mezdi . Sa chapescha ch'i dat pulenta dal tirc racoltà l'onn passà. Bildquelle: RTR.
-
Bild 12 von 22. E vinavant vai cun la lavur. Da cuminanza va tut in pau pli tgunsch. Bildquelle: RTR.
-
Bild 13 von 22. Spia per spia e tirc per tirc. Mintga spia porta be in tirc. Bildquelle: RTR.
-
Bild 14 von 22. La proxima tastga plaina. Ils tircs racoltads vegnan menads en il rudi nua ch'els vegnan deliberads da la feglia. Bildquelle: RTR.
-
Bild 15 von 22. Impurtanta rusna vi dal char annex. Pli tard arriva en da questa rusna aria chauda da la Tegra a Domat per sientar il tirc. Bildquelle: RTR.
-
Bild 16 von 22. Tirc perfetg. La spezialitad dal «Domleschger» èn 4 giadas 2 ritschas da garnitsch. Bildquelle: RTR.
-
Bild 17 von 22. L'intern dal «Domleschger». Era questa furma da staila è caracteristica per la veglia sort da tirc. Bildquelle: RTR.
-
Bild 18 von 22. Sia colur ha in spezial bel mellen. Era en sia colur sa differenziescha el dal tirc hibrid e da massa. Bildquelle: RTR.
-
Bild 19 von 22. Las «reginas». Las propi bellas e surtut las cotschnas vegnan messas da la vart e duvradas per la semenza da l'onn proxim. Bildquelle: RTR.
-
Bild 20 von 22. Cuntents, satisfatgs e loschs ... ... ed era comuentads dal grond sustegn dals voluntaris per lur idea e lur product indigen e local. Bildquelle: RTR.
-
Bild 21 von 22. L'emprim di da racolta s'enclina. I dovra almain anc dus dis lavur fin che l'entir champ è racoltà. Bildquelle: RTR.
-
Bild 22 von 22. Ils products finals. Il december arrivan ils products finids enavos en Tumleastga e sa tschentan en ustarias e stizuns localas. Bildquelle: RTR.
Ende der Bildergalerie
Zurück zum Anfang der Bildergalerie.
Vendemia a Sagogn
Sin 800 meters sur mar han Aron Candrian e ses bab Hannes laschà reviver ina vigna. El medem lieu, nua ch'i deva gia avant 1'300 onns vignas. Sin ina surfatscha da quatter aras madiran las ivas Solaris per il vin «Resvegl». Quest onn èn ellas stadas pli baud ch'usità prontas per la vendemia. Fin settember èn ils viticulturs e lur gidanters ids plain mirveglias a racoltar. Da tge qualitad èn las ivas e daventa il 7avel onn da racolta forsa perfin in da record? Cun anc bler dapli dumondas è Georgina Janki ida cun il microfon a far vendemia.
700 kilos ivas, uschè bleras sco anc mai, èn vegnidas racoltadas. Quai munta ch'i vegn a dar da quai da 600 buttiglias dal vin Resvegl. Ina vegna ed in vin ch'èn atgnmain «scumandads». Il vin na dastga betg vegnir commerzialisà e vendì. Cunquai che la vigna na sa chatta betg en il cataster da vin dal chantun Grischun e n'è era betg sin la dretga autezza. Vin grischun dastga be vegnir cultivà fin 600 meters sur mar, plinavant definescha l'ordinaziun las regiuns da vin. La Surselva na tutga betg tar quella. Cunquai ch'ils Candrians na pon betg vender il vin Resvegl pon ins era experimentar tar la fermentaziun. Ils proxims mais passenta il suc da las ivas Solaris en in'amfora da ton.
In di magnific per racoltar ivas da belezza
Anfang Bildergalerie
Bildergalerie überspringen
-
Bild 1 von 31. La vigna schai sin ina spunda ideala. La vigna a Sur Vilada cun bella vista sin Sagogn. Bildquelle: RTR.
-
Bild 2 von 31. La vendemia, in di spezial per Aron e Hannes Candrian. Anno 2012 han bab e figl empruvà l'experiment da plantar vits sin 800 meters sur mar. Bildquelle: RTR.
-
Bild 3 von 31. 5'000 satgets per proteger da las vespras. Mintg'onn ina lavuruna. Ma senza pachetar mintga iva en in satget da dessi nagina racolta. Bildquelle: Aron Candrian.
-
Bild 4 von 31. Las harassas spetgan da vegnir emplenidas. E tant pudain tradir, finadina vegn oz plaina. Bildquelle: RTR.
-
Bild 5 von 31. Hannes controllescha minuzius. Las rubagliadas e donnegiadas ston davent, uschiglio patescha la qualitad dal vin. Bildquelle: RTR.
-
Bild 6 von 31. Lavur che fa plaschair. Tranteren vegn sa chapescha er empruvà quant dultschas ch'ellas èn. Bildquelle: RTR.
-
Bild 7 von 31. Il dretg mument da racoltar. Il di da la vendemia dat era chaschun d'emprender dapli sur dal cultivar vignas. Bildquelle: RTR.
-
Bild 8 von 31. Trocla per trocla. Las ivas vegnan tagliadas cun precauziun. Durant la stad è Hannes Candrian stà mintga di en la vigna. Bildquelle: Aron Candrian.
-
Bild 9 von 31. Retscha per retscha. In dretg ed in sanester da mintga vit. La lavur va anc pli tgunsch cun inqual baterlada e risada. Bildquelle: RTR.
-
Bild 10 von 31. Anc pendan ellas. Sch'ins guarda bain, vesan ins inqualina passa, ivettas. Bildquelle: RTR.
-
Bild 11 von 31. Da la sadella en la harassa. Adina cu ina sadella è plaina vegn ella purtada sisum la vigna e svidada en la harassa. Bildquelle: RTR.
-
Bild 12 von 31. Ellas èn plain suc. Las vits ch'han anc iva che pendan vegnan adina pli paucas e las harassas plainas adina dapliras. Bildquelle: RTR.
-
Bild 13 von 31. Gidanters rutinads che lavuran exact. Ils blers dals radund 10 gidanters gidan gia divers onns cun la vendemia. Bildquelle: RTR.
-
Bild 14 von 31. Sa quants kilos ch'i dat oz? Tranter ils gidanters èsi daventà usit da metter patg quants kilos ivas ch'i dat fin la fin. Bildquelle: RTR.
-
Bild 15 von 31. Tagliar davent u betg? Quai che vegn taglià davent resta en la vigna, per ils utschels. Bildquelle: RTR.
-
Bild 16 von 31. Il microfon fa pausa. Tranteren hai jau barattà il microfon cun la forsch e gidà cun la racolta. Bildquelle: RTR.
-
Bild 17 von 31. Bler da dumandar, scuvrir ed emprender. Georgina Janki sin ils fastizs dals experts da vin e dals gidanters. Bildquelle: Aron Candrian.
-
Bild 18 von 31. I vesa ora suenter in record. Aron caveglia ina harassa suenter l'autra en il char annex. El quinta cun da quai da 700 kilos, tge che muntass in record. Bildquelle: RTR.
-
Bild 19 von 31. Solaris che targlischan en il sulegl. Solaris è la sort ch'ils Candrians han decidì da plantar l'onn 2012. Ina sort in pau pli resistenta. Bildquelle: Aron Candrian.
-
Bild 20 von 31. Las dultschas bellas carmalan las vespras. Sco ch'ins ha prendì davent ils satgets da las ivas èn las vespras qua. Bildquelle: Aron Candrian .
-
Bild 21 von 31. Anc in'ultima giada star a sulegl. Tuttas ivas èn uss en las harassas. Ellas vegnan curcladas e transportadas giu Malans en la pressa. Bildquelle: RTR.
-
Bild 22 von 31. Igl è dumagnà. Els èn stads lavurus e dastgan esser cuntents cun lur racolta che turna lura la primavaira en buttiglias enavos a Sagogn, era sco paja per ils gidanters. Bildquelle: RTR.
-
Bild 23 von 31. Uss cumenza la part patgifica. In viva sin il di da lavur a chasa tar la famiglia Candrian ed en il tschaler da degustaziun serva Vroni Pizocheri. Bildquelle: RTR.
-
Bild 24 von 31. La curt avant il tschaler da vin a Malans. Qua èn las ivas vegnidas menadas per ir en la pressa. Bildquelle: RTR.
-
Bild 25 von 31. La pressa. En quella pressa èn las ivas Solaris daventadas suc. Bildquelle: RTR.
-
Bild 26 von 31. Entrada en il tschaler. Da quella stgala giu e davos l'isch fermentescha il vin da numerus viticulturs. Bildquelle: RTR.
-
Bild 27 von 31. Las amforas da ton. Uonn vegn il suc da las ivas da Sagogn l'emprima giada fermentà en questas amforas. Bildquelle: RTR.
-
Bild 28 von 31. Igl è in experiment. Laschar fermentar en amforas leva Aron Candrian gia pli daditg era il suc per il vin Resvegl. Uonn èsi l'emprima giada gartegià, cunquai ch'i ha dà avunda liters. Bildquelle: RTR.
-
Bild 29 von 31. ... Ferdar ed ... Anc è il fermentar pir al cumenzament . Bildquelle: RTR.
-
Bild 30 von 31. ... empruvar ... Anc è il gust magari dultsch. Bildquelle: RTR.
-
Bild 31 von 31. Il Resvegl 2021 – in onn excellent. Il vin d'avant dus onns han experts da la Falstaff giuditgà e dà 90 da 100 puncts. Vegn er il 2023 a dumagnar en quellas sferas? Bildquelle: Aron Candrian.
Ende der Bildergalerie
Zurück zum Anfang der Bildergalerie.
Accumpagnar la racolta a Le Prese...
Era en questa ediziun giain nus puspè en direcziun sid, en val Poschiavo. Là visita Gaby Degonda las plantaschas dad ervas e fluras biologicas Raselli a Le Prese nua che Fabrizio Raselli ans accumpogna. RTR ha pudì prender invista dals pli differents process da lavur. Da la racolta enfin il pachet da té pront per la vendita.
Tranter odurs e savurs
Anfang Bildergalerie
Bildergalerie überspringen
-
Bild 1 von 19. Avant tschintg onns ha Fabrizio Raselli surpiglià il manaschi. L'«Erboristeria Raselli, erbe biologiche» è vegnida fundada l'onn 1991 da ses aug Reto Raselli e porta il sigil da Bio Suisse. Bildquelle: RTR.
-
Bild 2 von 19. La stailalva, flur simbolica per la Svizra. Tenor Fabrizio Raselli è la stailalva pli custaivla per la cosmetica che sco flur per far té. Bildquelle: RTR.
-
Bild 3 von 19. Melissa quai che l'egl po vesair. La melissa è vegnida plantada il matg. Quests dis vegn ella racoltada per la producziun da te da Bio Raselli. Bildquelle: RTR.
-
Bild 4 von 19. Lavurera e lavurers stagiunals che procuran per eras nettas. Durant la stad lavuran circa 25 persunas sin ils ers da ervas e fluras. Blers arrivan mintg'onn tar Fabrizio Raselli. Bildquelle: RTR.
-
Bild 5 von 19. Ina maschina per trais differentas lavurs. La maschina per far eras, per semnar plantinas e per zerclar, las rodas dal tractor en satiglias. Bildquelle: RTR.
-
Bild 6 von 19. Bunas investiziuns per la cultivaziun da ervas biologicas. Fabrizio Raselli è cuntent d'avair fatg investiziuns da maschinas. Quai è necessari oz. Bildquelle: RTR.
-
Bild 7 von 19. I dat passa 70 sorts verbena. La erva verbena è fitg sensibla. Questa sort po crescher en regiuns alpinas. Bildquelle: RTR.
-
Bild 8 von 19. L'urticla è buna per purifitgar il corp. Las urticlas biologicas tutgan tar ils tés e tisanas da Raselli. Bildquelle: RTR.
-
Bild 9 von 19. Questa è ina da las nov chombras da sientar tar max. 40 grads. Las ervas restan durant 24 uras en questa, lura s'arva in barcun ed ellas crodan en ina chombra pli pitschna e restan là ultariuras 24 uras. Bildquelle: RTR.
-
Bild 10 von 19. Flurs da graun e figlia da flur sulegl per dapli colur. Qua sa tracti da pura manufactura. La centaura da graun rosa e viloletta vegnan racoltadas a maun. Uschia era la flur sulegl. Bildquelle: RTR.
-
Bild 11 von 19. Melissa setgentada avant che ella vegn elaborada per il té. Il proxim process è tagliar ils figls en pliras grondezzas. Pli grond per maschaidas da té e tisanas, pli fin per ils satgets da té. Bildquelle: RTR.
-
Bild 12 von 19. Questa figlia da melissa è per tisanas e té avert. La maschina è buna da manizzar en trais differentas grondezzas la figlia da melissa. Raselli furnescha era a Ricola, A.Vogel e autras firmas. Bildquelle: RTR.
-
Bild 13 von 19. Ina maschina per plirs process d'emballadi. Dals dartguirs crodan las evas en il satget da té, quel vegn serrà e pacchettà en il palpiri, Vinavant van quests en la stgatgla da vendita e pront per la spediziun. Bildquelle: RTR.
-
Bild 14 von 19. Avant passa 40 onns ha Reto Raselli cumenzà a cultivar ervas. Reto Raselli ha fatg lavur da piunier en il sectur da ervas bilogicas en Svizra. Dapi 1993 portan ses products il sigil da Bio Suisse. Bildquelle: RTR.
-
Bild 15 von 19. La famusa piramida da té che cuntegn ervas biologicas Raselli. Reto Raselli è superbi da tut quai che el ha mess en pai durant ils passa 40 onns. Bildquelle: RTR.
-
Bild 16 von 19. In satget da té classic. Enfin che las ervas sa tschentan en il satget da té dovri ina buna stad e blera lavur. Bildquelle: RTR.
-
Bild 17 von 19. Differentas tisanas da Raselli prontas per la spediziun. In emballadi attractiv per la vendita. Design e emballadis, tut vegn creà tar Reto Raselli. Bildquelle: RTR.
-
Bild 18 von 19. duas generaziuns: Fabrizio Raselli e ses aug Reto Raselli. Omadus en dependents da l'aura. En in onn po Fabrizio elaborar enfin 40 tonnas ervas bilogicas per la vendita. Reto Raselli è ses client. Bildquelle: RTR.
-
Bild 19 von 19. Grazia fitg per la cordiala acoglientscha tar ils Raselli. Fabrizio e Reto Raselli an declarà tut il menaschi a Gaby Degonda da RTR. Bildquelle: RTR.
Ende der Bildergalerie
Zurück zum Anfang der Bildergalerie.
.... al puls da la racolta a Parsonz...
L'emprima ediziun ans maina a Parsonz en Surmir sin il bain «Parsonzer» d'Andreas e Ramona Stgier. Gaby Degonda ha pudì accumpagnar la famiglia Stgier a la lavur da scuder il graun che crescha sin 1'400 meters sur mar sin prest trais hectaras per la producziun da pasta e farina «Berg» ma era per il novum per «Parsonzer»: la biera «Berg».
A Parsonz sin ers da graun e salin
Anfang Bildergalerie
Bildergalerie überspringen
-
Bild 1 von 17. Famiglia Stgier. Andreas, Jonas, Luana, Valerio e Ramona davant clavà. Bildquelle: RTR.
-
Bild 2 von 17. Parsonz na da la via da funs. In bellezia di per visitar Parsonz e la famiglia Stgier. Bildquelle: RTR.
-
Bild 3 von 17. Il sulegl ha madirà las spias da salin. Per pudair scuder ils ers da graun e salin è anc da spetgar sin bels dis da settember. Bildquelle: RTR.
-
Bild 4 von 17. La famiglia Stgier al pe da l'er da Salin a Sirang. Sirang sa chatta sin 1'400 meters sur mar. Quai è il pli aut punct per cultivar graun e salin. Bildquelle: RTR.
-
Bild 5 von 17. La famiglia Stgier a Tigignas . «unikat.ch» scrit cun graun per far ina surpraisa ad in ami ed investur en la «Biera Berg». Bildquelle: RTR.
-
Bild 6 von 17. I duai dar ina buna racolta. Cun la farina da salin vegn producì diversas pastas da la marca «Parsonzer». Bildquelle: RTR.
-
Bild 7 von 17. Gaby Degonda vi d la lavur d'etichettar ils Pizzocheris. Pizzocheri da farina da furmental, producids cun graun da Parsonz. Bildquelle: RTR.
-
Bild 8 von 17. Gaby Degonda al guvernagl da la maschina da da scuder. Andreas Stgier declera las funcziuns da la maschina da scuder che ha 40 onns. Bildquelle: RTR.
-
Bild 9 von 17. Andreas Stgier declera che la maschina dovra tgira speziala. La maschina da la marca Fiatagri ha prest 40 onns ed è buna per sendas agriculas en Surses. Bildquelle: RTR.
-
Bild 10 von 17. Ramona Stgier tatga si etichettas per la vendita da Pizzocheris. Ramona è responsabla per la vendita da la pasta e da la farina «Berg» da la marca «Parsonzer». Bildquelle: RTR.
-
Bild 11 von 17. Las giaglinas da Parsonz en stadas diligentas. Di per di po Ramona Stgier purtar ovs frestgs en cuschina. Bildquelle: RTR.
-
Bild 12 von 17. La maschina da scuder en acziun. La maschina da scuder fa buna lavur sin ils ers da graun a Parsonz. Bildquelle: RTR.
-
Bild 13 von 17. La maschina da scuder sin l'er da graun sur Parsonz. Andreas Stgier scuda dapi passa 25 onns cun questa maschina. Bildquelle: RTR.
-
Bild 14 von 17. Andreas Stgier declera cura il graun è madir. Cura il chau dal graun guarda vers il plaun è il graun madir e pront per scuder. Bildquelle: RTR.
-
Bild 15 von 17. Ramona ed Andreas Stgier èn in bun team. «Far il pur e dapli che far fain e mulscher vachas. Ins po esser fitg creativ. Far il pur è cool», di Ramona Stgier. Bildquelle: RTR.
-
Bild 16 von 17. In er da sem da glin cun millis flurs blauas. In experiment che para da gartegiar era sin 1400 meters sur mar. Bildquelle: RTR.
-
Bild 17 von 17. Parsonzer la marca dals products dils Stgiers. Anc dumondas? Bildquelle: RTR.
Ende der Bildergalerie
Zurück zum Anfang der Bildergalerie.