Mario Scarpatetti – l'urer da Parsonz

Mario Scarpatetti da Parsonz è urer cun corp ed olma. Gia sco uffant fascinava il giuven Surmiran ses svegliarin ch'el avess atgnamain gì da reparar. Il plaschair dad uras ed en spezial da la mecanica da quellas dictan il ritmus durant la lavur, ma er durant ses temp liber. Uschia ha el sviluppà in'ura che mussa ils proxims 400 onns sche l'onn è in basest u betg. Per quella invenziun ha el er annunzià in patent. Sia gronda passiun è la construcziun dad uras grondas. Ma er uras da cucu plaschan anc adina er al profi.