Nov format «Battas RTR?!»
-
«Jau sun in buob da cletg» – Basta quai per gudagnar 400 francs?
Pon Seraina Caplazi e Mike Winzap profitar dal cletg che Mike pretenda d'avair u datti puspè ina sconfitta penibla? Battas RTR cun in'ulteriura episoda speziala al Big Air Cuira.
Autor:
Elias Tsoutsaios
25.09.2024, 12:31
Seraina Caplazi e Mike Winzap èn levads la damaun las quatter a Portugal per returnar da las vacanzas ed ir sin via directa al Big Air Cuira. Là spetgava probablamain la pli gronda sfida da lur vita: batter il team RTR. Sco era al Big Air stevan il sport da freestyle e l’amur svelta en il center da l’episoda. Tgi ch’è a la fin daventà il meglier amant u la meglra atleta, sa be tgi che guarda l’episoda.
Tut las episodas
Tge diavel è «Battas»?
Emblidai Joko e Klaas! E quel da Raab ha gia mintgina e mintgin battì. Uss vali da batter RTR!
Amia e marus, bab e figlia, cusrina e cusrin, scolasta e scolar u schefas e collavuraturs – la cumbinaziun n'emporta betg. Impurtant è che vus essas in duo che persvada!
Sche vus battais il team RTR (Marcus ed Elias) en trais gieus datti 400 francs CASH en il maun.
Co sa participar?
Sche vus vais l'impressiun d'avair il curaschi necessari per batter il team RTR (Marcus Petendi ed Elias Tsoutsaios), s'annunziai giusut!
Reglas
Avrir la box
Serrar la box
- I cumbatta adina il team RTR (Marcus ed Elias) cunter duas persunas d'in team extern.
- I dat fin 3 gieus (atletica, inschign e savida).
- Per mintga gieu datti in punct.
- Il team che cuntanscha sco emprim dus puncts gudogna.
- Cun dus puncts datti per il team extern total 200 francs.
- Sch'il team extern decida da far in terz gieu («all in») datti tar ina victoria total 400 francs e tar ina sconfitta nagut.
- Tar in score da 2:1 per il team extern datti era la schanza «all in».
- En quest cas pon ils giasts trair la sort tranter trais bustas. Duas cuntegnan nagut, ina cuntegna 400 francs.
- Per il team RTR na datti nagin premi.
- Responsabla per successiun, realisaziun e survegliar las reglas è l'arbitra Dalia Poltera.
RTR Battas
