In past tradiziunal dal Maroc è il cuscus. Quel vegn cuschinà en la padella tradiziunala arschiglia «Tajine». Cun diversas verduras e per part er charn è il cuscus in plat che vegn cuschinà per tut la famiglia. Tge che na po betg mancar è il coriander.
Tgi che n'ha betg gugent coriander ha pers en il Maroc.
Savens vegnan tuts in venderdi suenter la messa ensemen per mangiar. Igl na vegn però betg mo fatg cuscus per la famiglia mabain era per las persunas pli povras. Per quellas vegn il cuscus pachetà en satgets da plastic e mess sin il banc da fanestra e quels ch'han da basegn pon sa servir.
Mangià vegn il cuscus lura cun ils mauns e betg cun pusada. En quel connex è impurtant da savair, ch'ins na mangia betg cun il maun sanester. Il maun dretg e per mangiar, il maun sanester per far giu il tgil.
Mangiar cun il maun sanester u era dar raps cun il maun sanester è fitg impertinent.
In'autra spezialitad dal Maroc è l'amlou. Amlou è per ils Marocans in tec sco noss Nutella. Ina crema fatga or da mandels, mel e ieli d'argan. Mangià vegn l'amlou cun ina sort da omlettas u era sur fritga frastga.
Per mai na gusta nagut uschè ferm dal Maroc sco amlou.
Las ingredienzas per l'amlou èn tipicas per il Maroc. Surtut l'ieli d'argan. Per far il ieli drovins ils fritgs da la planta d'argan e quella crescha mo en il Maroc. Perquai è quest ieli era uschè char. In svizra pajan ins circa 100 francs per in liter.
-
Bild 1 von 2. Ina planta d'argan (Argania spinosa). Las chauras maglian gugent ils fritgs. Bildquelle: Keystone.
-
Bild 2 von 2. Ingredienzas per amlou. Bildquelle: RTR.