RTR ha pudì accumpagnar la dunna da 46 onns durant sia lavur quotidiana en stalla per discutar cun ella davart la vita, lavur e hobis. Sco figlia d‘in policist ha la famiglia da Erica savens midà dimora durant sia uffanza ed adolescenza. Uschia è ella naschida a Tusaun ed ha frequentà las scolas a Trun e Domat. Il liom cun la Lumnezia è dentant restà grazia a tat e tatta da Vrin, nua ch'ella passentava las vacanzas en lur puraria. Erica Capaul ha fatg l’emprendissadi da flurista.
-
audioTranter uigl e cuschina05:50 min, ord Nossa cuschina dals 19.02.2020. Maletg: Gaby Degondalaschar ir. Durada: 5 minutas 50 Secundas.
-
audioSguard vers primavaira04:45 min, ord Nossa cuschina dals 12.02.2020. Maletg: Gaby Degondalaschar ir. Durada: 4 minutas 45 Secundas.
-
audioVisita en uigl da Erica Capaul da Lumbrein06:28 min, ord Nossa cuschina dals 05.02.2020. Maletg: Gaby Degondalaschar ir. Durada: 6 minutas 28 Secundas.
-
audioDa flurs, ragischs ed ervas03:59 min, ord Nossa cuschina dals 26.02.2020. Maletg: keystonelaschar ir. Durada: 3 minutas 59 Secundas.
Erica e ses um Bernard Capaul possedan in bel bain puril a Lumbrein. L‘onn passà han els pudì fabritgar ed engrondir la stalla. In project da famiglia, nua ch'era lur quatter uffants creschids han collavurà. Tar la lavur da pura chatta Erica Capaul magari temp per ses hobis. Ella ama da cuser resti per poppas e producir itgs da calendula e lavazza. Plinavant lavura dunna Erica cun tinctura da omeopatia «EM» – che stat per microorganissem effectiv.
![Erica Capaul dat in bitsch ad in vadel alv.](https://www.rtr.ch/static/cms/images/960w/df9397.jpg)
![Erica Capaul cun in da ses vadels.](https://www.rtr.ch/static/cms/images/960w/3184c0.jpg)
![Ina vadella.](https://www.rtr.ch/static/cms/images/960w/2c2341f.jpg)
![Vatga brina e tgau alv guarda en la camera](https://www.rtr.ch/static/cms/images/960w/c55aff.jpg)
![Bernard Capaul mulscha sia vatga «Regi».](https://www.rtr.ch/static/cms/images/960w/5c535e.jpg)
![Erica Capaul derscha latg per ils vadels en sadellas.](https://www.rtr.ch/static/cms/images/960w/97aaef.jpg)
![Vestgìs da poppas, in blau ed in cotschen mess giu sin maisa.](https://www.rtr.ch/static/cms/images/960w/1c0e36.jpg)
![Erica Capaul porta en bratsch ses tgiet cun il num Sugus.](https://www.rtr.ch/static/cms/images/960w/8e67e1a.jpg)
RTR Nossa cuschina 10:15