RTR ha pudì accumpagnar la dunna da 46 onns durant sia lavur quotidiana en stalla per discutar cun ella davart la vita, lavur e hobis. Sco figlia d‘in policist ha la famiglia da Erica savens midà dimora durant sia uffanza ed adolescenza. Uschia è ella naschida a Tusaun ed ha frequentà las scolas a Trun e Domat. Il liom cun la Lumnezia è dentant restà grazia a tat e tatta da Vrin, nua ch'ella passentava las vacanzas en lur puraria. Erica Capaul ha fatg l’emprendissadi da flurista.
Erica e ses um Bernard Capaul possedan in bel bain puril a Lumbrein. L‘onn passà han els pudì fabritgar ed engrondir la stalla. In project da famiglia, nua ch'era lur quatter uffants creschids han collavurà. Tar la lavur da pura chatta Erica Capaul magari temp per ses hobis. Ella ama da cuser resti per poppas e producir itgs da calendula e lavazza. Plinavant lavura dunna Erica cun tinctura da omeopatia «EM» – che stat per microorganissem effectiv.
-
Bild 1 von 8. Erica Capaul ama ses vadels. Bildquelle: RTR, Gaby Degonda.
-
Bild 2 von 8. Erica Capaul lavura gugent cun ils animals. Bildquelle: RTR, Gaby Degonda.
-
Bild 3 von 8. Regina è la pli bella vadella da Facebook dal mais schaner. Bildquelle: MAD.
-
Bild 4 von 8. La vatga «Regi» e l'unica vatga giaglia dals Capauls. Bildquelle: RTR, Gaby Degonda.
-
Bild 5 von 8. Bernard Capaul mulscha sia vatga «Regi». Bildquelle: RTR, Gaby Degonda.
-
Bild 6 von 8. Erica prepara ensolver per ils vadels. Bildquelle: RTR, Gaby Degonda.
-
Bild 7 von 8. Vestgadira per poppas fatga dad Erica Capaul. Bildquelle: RTR, Gaby Degonda.
-
Bild 8 von 8. Erica Capaul cun ses tgiet «Sugus». Bildquelle: RTR, Gaby Degonda.
RTR Nossa cuschina 10:15