-
Bild 1 von 10. Il guaud è in lieu magic plain bulieus . Bildquelle: Gaby Degonda.
-
Bild 2 von 10. Dus bulieus da tschèp uschè bels per als bitschar. Bildquelle: Gaby Degonda.
-
Bild 3 von 10. Bulieus vivan en simbiosa cun las plantas. Bildquelle: Gaby Degonda.
-
Bild 4 von 10. Bulieus giudibels da la regiun. Bildquelle: Gaby Degonda.
-
Bild 5 von 10. Lia Heini Piacentini a Siat. Bildquelle: Gaby Degonda.
-
Bild 6 von 10. Lia Heini preschenta ils bulieus giudibels da la regiun. Bildquelle: Gaby Degonda.
-
Bild 7 von 10. Bulieus da tschèp frestg raccoltads. Bildquelle: Gaby Degonda.
-
Bild 8 von 10. Lia Heini Piacentini avant chasa a Siat. Bildquelle: Gaby Degonda.
-
Bild 9 von 10. Gronda diversitad da bulieus giudibels. Bildquelle: Gaby Degonda.
-
Bild 10 von 10. Bulieus mellens ins chatta blers quest onn. Bildquelle: Gaby Degonda.
«Duas enfin trais uras a di passent jau ein il guaud per guardar tge bulieu che crescha nua», uschia Lia Heini Piacentini.
Dapi diesch onns sa deditgescha la dunna da 50 onns a la fascinaziun bulieus. La passiun per questa planta misteriusa ha motivà ella da sa scolar e da daventar controlladra da bulieus tar il servetsch da bulieus en Surselva avant prest diesch onns.
Savens chatt'ins bulieus uschè bels per bitschar els.
Passa 300 kilos bulieus vegnan controllads entaifer ina stagiun dals controlladers da la Surselva. Sper las controllas emnilas a Siat, Glion, Mustér e Laax, sa scolescha la controlladra diplomada emna per emna als curs e sentupadas per controlladers da bulieus a Cuira tar l'Uniun grischuna da bulieus.
Il guaud merita respect e ruaus.
Tschertgar e chattar bulieus e dapli ch'in hobi per Lia Heini-Piacentini. I saja plitost in regl. Plinavant è il plaschair da sa mover en il guaud, giudair la diversitad, colurs ed odurs dals bulieus pli impurtant che mangiar ils bulieus. Tar la famiglia Heini-Piacentini a Siat na datti betg savens bulieus. E tuttina, a nossa cuschina biodiversa dat Lia Heini-Piacentini pled e fatg davart il tschertgar, preparar e conservar bulieus durant il mais da settember.