3'000 - 5'000 umans da tut l'Europa èn partids durant ils ultims mais vers l'Orient per far part en la Siria u en l'Irac a la gruppaziun terroristica IS. En Svizra conferma la Task Force da la polizia federala TETRA 30 cas d'uschè numnads viandants terroristics. En il Grischun discurra la polizia d'in pugn plain. Pertge? Pertge sa radicaliseschan giuvnas e giuvens europeics talmain, ch'els vulan far part d'ina gruppaziun terroristica?
En la Marella preschentain nus trais opticas sin il fenomen: quella da la polizia federala, quella d'in psicolog che ha accumpagnà gia passa 100 giuvenils radicalisads e quella d'in scriptur.
Redacziun: Chatrina Gaudenz