Il davos sgol dal Champagne Girl

L'equipa da nov persunas vegn da siglir giu cun il paracrudader. In eveniment dramatic per l'equipa, ma era per quellas e quels che observeschan la crudada. Durant la stad e la primavaira da l'onn 1944 sgola l'aviatica militara americana missiuns cun per part passa milli aviuns encunter la Germania. Tar ina da quellas missiuns ha il bumbardader cun il surnum Champagne Girl in accident, uschia ch'ils pilots emprovan da sa spindrar en Svizra. La «Marella» ha reconstruì quest davos sgol dal bumbardader: Tge è capità las davosas uras avant la crudada? Tge vegn suenter? Stefan Näf che ha rimna testimonis e documents davart quest eveniment parta sias retschertgas. E pliras perditgas sursilvanas sa regordan dal mument dramatic sco era da l'inscunter cun ils Americans e lur paracrudaders da saida.