Tge han in skatepark a Basilea, chistas plain mangos da Ouagadougou, in videoclip da Bibi Vaplan e la cumpra d'in bain puril a Lavin pomai da far in cun l'auter? Tuts quatter èn vegnids finanziads via crowdfunding.
Ils ultims dus onns ha i dà en Svizra in vair boom da plattafurmas da crowdfunding. Ma co funcziuna questa finanziaziun participativa insumma? Tgi è la "crowd" e tge èn las schanzas d'in tal sistem? Remplazza il crowdfunding zic a zic schizunt daners dal maun public?
A la tschertga da respostas s'entaupa la Marella cun Melina Roshard (wemakeit.ch), Simon Steiner (da la band Polyphone), Rico Valär (Uffizi federal da cultura) e cun l'autur Tim Krohn.
Redacziun: Astrid Alexandre