La Bibla da Moutier-Grandval è enavos en Svizra per trais mais

La Bibla da Moutier-Grandval è in rar manuscrit dal 9avel tschientaner. I sa tracta dad ina da las pli veglias biblas illustradas dal mund ch'èn vegnidas preservadas integralmain. Fin la fin dal 18avel tschientaner era la bibla en possess da l'abazia da Moutier-Grandval. Suenter diversas stortas vegn ella conservada oz en la British Library a Londra. L’ovra veglia da prest 1'200 onns è vegnida emprestada excepziunalmain per trais mais al Musée jurassien d'art et d'histoire a Delémont.