Impurtant è ch'ins na bitta betg simplamain ils apparats electronics en il rument da chasa. En noss aparats electronics sa chattan numnadamain materias che pon vegnir recicladas per producir auter uorden. E schizunt materias preziusas sco aur, argient u platin - sa chapescha mo en fitg pitschnas quantitads.
Nua dismetter apparats electronics correctamain?
* En Svizra pon ins purtar rument electronic en tut las butias che vendan apparats electronics – pia per exempel en «Interdiscount», «Mediamarkt», «Migro Electronics» u «Fust». I n'importa betg sch'ins ha cumprà là l'apparat u betg.
* I dat era lieus da rimnada per rument electronic – per exempel quels da l'organisaziun Swico. En il Grischun ha Swico radund 600 da quels lieus per laschar reciclar ils apparats defects.
Fai senn da laschar pinar mes apparat electronic defect?
En Svizra datti adina dapli rument electronic - l'onn 2022 eran quai en tut 62 tonnas. Perquai èsi ina bun'idea d'empruvar d'evitar tal rument:
* En il Grischun datti adina puspè uschenumnads «Repair Cafes». Là spetgan persunas ch'han idea da reparaturas d'apparats electronics. Quellas emprovan da reparar u gidan da reparar sez l'apparat gratuitamain. Purtar pon ins tut – da maschinas da café, barschuns da dents electronics fin a telefonins.
* Per telefonins che na funcziunan betg pli datti anc in'autra opziun: trametter els ad ina firma sco Revendo.ch u Vekaufen.ch. Quellas prendan encunter il telefonin defect e pajan persuenter ina tscherta summa da daners. Grondas summas na datti savens betg. Profis pinan lura ils telefonins uschè bain sco pussaivel per puspè pudair vender quels – sa chapescha per in pretsch pli bass che per la versiun nova.
Nua dismetter apparats electronics correctamain?
* En Svizra pon ins purtar rument electronic en tut las butias che vendan apparats electronics – pia per exempel en «Interdiscount», «Mediamarkt», «Migro Electronics» u «Fust». I n'importa betg sch'ins ha cumprà là l'apparat u betg.
* I dat era lieus da rimnada per rument electronic – per exempel quels da l'organisaziun Swico. En il Grischun ha Swico radund 600 da quels lieus per laschar reciclar ils apparats defects.
Fai senn da laschar pinar mes apparat electronic defect?
En Svizra datti adina dapli rument electronic - l'onn 2022 eran quai en tut 62 tonnas. Perquai èsi ina bun'idea d'empruvar d'evitar tal rument:
* En il Grischun datti adina puspè uschenumnads «Repair Cafes». Là spetgan persunas ch'han idea da reparaturas d'apparats electronics. Quellas emprovan da reparar u gidan da reparar sez l'apparat gratuitamain. Purtar pon ins tut – da maschinas da café, barschuns da dents electronics fin a telefonins.
* Per telefonins che na funcziunan betg pli datti anc in'autra opziun: trametter els ad ina firma sco Revendo.ch u Vekaufen.ch. Quellas prendan encunter il telefonin defect e pajan persuenter ina tscherta summa da daners. Grondas summas na datti savens betg. Profis pinan lura ils telefonins uschè bain sco pussaivel per puspè pudair vender quels – sa chapescha per in pretsch pli bass che per la versiun nova.
