Gist cumparida è l'applicaziun «Insektenführer» da la Pro Natura. Ella è sc'in lexicon d'animalets, simplamein en furma digitala cun funcziuns supplementaras:
- infurmaziuns davart 1'800 animalets
- cun var 7'000 fotografias e dissegns
- pussaivladad da far in «diari d'observaziun» che registrescha temp e lieu da l'animalet ch'ins ha observà
- funcziun da fotografar l'animalet e l'applicaziun mussa lura tgenin ch'igl è u ch'i pudess esser cun agid d'intelligenza artifiziala
Dischavantatg – model dad abunnament
L'idea da l'applicaziun sco tala – da pudair fotografar e l'app che mussa lura tge animalet ch'igl è cun fotos, diessegns e massa infurmaziuns supplementaras – quella n'è betg dal tut nova. Sumegliantas apps datti gia tant per animals sco per flruas e plantas. Bleras vegnan da pruschiders internaziunals ed èn cumparidas ils ultimas trais onns.
L'avantatg da la nova app da la Pro Natura è ch'ella sa focussescha in pau sin la Svizra ed i para dad esser lavur e funtaunas fundadas davosvart – pia ina purschida cun pes e mauns.
Il dischavantatg è ch'ella funcziuna sco quasi tut quellas apps be per part gratuitamain. La versiun gratuita porscha be radund 500 animalets e quai senza la funcziun da fotografar els e laschar mussar tgenin ch'igl è.
Per pudair duvrar tut las funcziuns ston ins far in abunament ch'i dat en duas variantas – in mensil per sis francs ed in annual per 30 francs. Però er la versiun gratuita vala in sguard.
