L'app «Dicziunari Rumantsch» unescha sis differents dicziunaris da tut ils tschintg idioms sco era dal rumantsch grischun. Ils dicziunaris dals idioms surmiran e sutsilvan sco era dal rumantsch grischun derivan da pledarigrond.ch, las datas sursilvanas da vocabularisursilvan.ch e quellas dal vallader e dal puter sa basan sin ils dicziunaris da «Meds d'instrucziun dal Grischun».
In mez milliun endataziuns
L'app dal dicziunari dumbra passa 500'000 endataziuns. Il «Dicziunari Rumantsch» pon ins telechargiar gratuitamain en «Google Play» ed en il «App Store». L'app sa drizza en emprima lingia a persunas da lingua rumantscha che ston consultar il vocabulari per chattar ina translaziun rumantscha dad in pled tudestg, chapir in pled rumantsch betg tant frequent, u per verifitgar la scripziun dad in tschert pled – saja en l'agen idiom u en in dals auters idioms.
In mez milliun endataziuns
L'app dal dicziunari dumbra passa 500'000 endataziuns. Il «Dicziunari Rumantsch» pon ins telechargiar gratuitamain en «Google Play» ed en il «App Store». L'app sa drizza en emprima lingia a persunas da lingua rumantscha che ston consultar il vocabulari per chattar ina translaziun rumantscha dad in pled tudestg, chapir in pled rumantsch betg tant frequent, u per verifitgar la scripziun dad in tschert pled – saja en l'agen idiom u en in dals auters idioms.
