Co pudais Vus inoltrar Vossas gratulaziuns?
Per trametter a nus Vossas gratulaziuns avais Vus pliras pussaivladads.
1. Gratular via formular
2. Trametter Vossas gratulaziuns per whatsapp
Spert e digital – tramettai Voss auguris durant l'ura da gratulaziuns sco messadi da text per whatsapp sin il nummer 079 200 70 07. Adatg: Per whatsapp n'èsi betg pussaivel d'inditgar giavischs da musica.
3. Telefonar direct en il studio
Vus avais era la pussaivladad da telefonar suenter las 13:00 direct en il studio sin il numer 0800 20 25 30 e gratular persunalmain a Voss chars cun in giavisch musical.
4. Per posta
Radiotelevisiun Svizra Rumantscha
Gratulaziuns
Via da Masans 2, CH-7000 Cuira
Reglas
- Vossas gratulaziuns ston esser tar nus il pli tard il di d'anniversari la damaun a las 07:00.
- Igl è pussaivel da gratular per mintga anniversari.
- A collavuraturAs da RTR na pon ins betg gratular sur l’emettur. CollavuraturAs da RTR na gratuleschan er betg sur l’emettur a lur parents, amis ed enconuschents.
- Versets en rima en las gratulaziuns na vegnan betg prelegids en las emissiuns.
- Gratulaziuns scrittas en auters linguatgs che rumantsch, vegnan translatadas e prelegidas per rumantsch.
Gratulaziuns curtas e surdada da la cuppina ad in giubilar
- glindesdi fin venderdi a las 09:03
- sonda e dumengia a las 10:03
Gratulaziuns cun ils giavischs musicals
- mintga di da las 13:00 enfin a las 14:00