Cuschinar regiunal e stagiunal - Ingrid Ritter e ses curtin da demeter a Cumpadials
Ingrid Ritter è pura, pedagoga da curtin ed er catecheta. Ella è oriunda dad Arlesheim en il chantun Basilea-Champagna ed è vegnida il 1980 en Surselva. Ingrid Ritter ha emprendì rumantsch, ha lavurà 22 onns en la chasa d’attempads sogn Giusep a Cumpadials ed ha era manà quella durant 12 onns.
Il curtin dad Ingrid Ritter porta il num «Sper uolm». Il curtin d’exposiziun ch’è er avert per visitaders, mesira ina mesa hectara ed è situà sin 960 meters sur mar.
En mes curtin duain tuts sa sentir bain – las plantas, ils animals ed ils umans.
Ingrid Ritter cultivescha sias plantas, ervas, verduras e ses fritgs tenor ils principis da demeter sviluppads dal antroposof Rudolf Steiner. La hortulana planta, tgira è racolta ses products er tenor il chalender da la glina. En connex cun ses curtin biodinamic porscha Ingrid Ritter plinavant differents curs e seminaris per scolas e creschids.
Tge è demeter?
Avrir la boxSerrar la box
L’antroposof Rudolf Steiner ha sviluppà l’idea da la cultivaziun biodinamica. La cultivaziun biodinamica rinforza tut ils participads a moda integrala: il terren, las plantas, ils animals ed ils umans.
Demeter resguarda il ritmus da la natira e dal cosmos per semnar, cultivar e racoltar. Meds chemics n’èn betg lubids tar demeter.
Demeter è in label internaziunal che garantescha la medema qualitad dals products sin l’entir mund.
