Fenomens meteorologics vegnan declerads partind dals elements da basa ch’èn essenzials per ch’i dettia insumma aura. L’aria è il medium central. Sia termica varianta porta vent e plievgia. Il motor effectiv dals fenomens meteorologics è dentant il sulegl. Era la surfatscha terrestra influenzescha l’aura. Uschia po sper il macroclima che regia en ina zona vasta sa manifestar sco microclima era in’aura regiunala e schizunt locala. Cunzunt lung l’artg alpin renda quai la previsiun precisa magari difficila.
Participant: Alfons Maissen
Redacziun: Flurin Maissen
Radioscola 17-10-1975
Numer d’archiv: 2165