La politica d’expansiun da Hitler dals onns 1937 e 1938, l’appropriaziun da la Boemia e la Moravia e l’integraziun da l’Austria en l’Imperi tudestg chattan in relativ grond spazi. La perioda da la guerra effectiva davent dal september 1939, en l’Europa, l’Africa dal nord e l’Asia, vegn dentant tractada a moda curta e concisa. In dumber da documents sonors istorics cun las vuschs da Hitler, Goebbels, von Schuschnigg, De Gaulle, Churchill, Roosevelt, Eisenhower e Dönitz marcheschan muments decisivs da la guerra.
audio
Historia contemporana 1933-1945: la Segunda Guerra mundiala
ord RTR Audio dals 03.05.2016.
laschar ir. Durada: 29 minutas 49 Secundas.
Redacziun: Risch Cadonau, Giaronas Cadonau
Radioscola 21-5-1975
Numer d’archiv: 2160