Ils Svizzers sajan campiuns dal recicladi, pon ins leger u aud’ins bainduras. Dentant, per il solit ans limitain nus a bittar en u consegnar material ed objects ord diever. Lontan dals egls, lontan dal cor. Nus essan cuntents da pudair emblidar. Igl è «entsorgt».
Recicladi daventa in tema ils onns 80
Dentant, il recicladi po avair varts dal tuttafatg fascinantas. Saja ch’ins daventa sez inventiv e creativ, saja ch’ins guarda las iniziativas socialas, pedagogicas e schizunt artisticas basadas sin quai. E dar ina nova vita e destinaziun a chaussas dismessas na fa betg mo simplamain senn ord pliras raschuns, quai po er daventar ina vaira passiun. Guardai ed as laschai inspirar!