Cuntrari ad oz gievan pli baud sulettamain giuvens cun ina giuvna u lur spusa en schlitta d’in vitg a l’auter. Uras allegraivlas cun spaisas, bavrondas e saut enramavan sco anc oz la festivitad. Uschia era a Sent l'onn 1980, nua che giuvens e giuvnas han laschà reviver «La Schlitteda» originala ed oriunda.
En il decurs dal temp ed en tscherts lieus han cumenzà a sa participar er pèrs maridads e schlittas cun uffants. Per ils pitschens fan lur camarats pli vegls gugent da chaval sco qua a San Murezzan.
La pareta bella e festiva è in element central da la Schlitteda. Sa vestgir bain en costum dovra temp.
Betg main festivas e per part maiestusas sa preschentan er tschertas schlittas.
-
Bild 1 von 8Legenda: Schlittas cun ornaments DRS -
Bild 2 von 8Legenda: Schlittas cun ornaments DRS
-
Bild 3 von 8Legenda: Schlittas cun ornaments DRS
-
Bild 4 von 8Legenda: Schlittas cun ornaments DRS
-
Bild 5 von 8Legenda: Schlitta ritgamain ornada DRS
-
Bild 6 von 8Legenda: Schlitta ornada da figura DRS
-
Bild 7 von 8Legenda: Schlitta ornada da figura DRS
-
Bild 8 von 8Legenda: Schlitta ornada da figura DRS
Usits vegls han oz puspè conjunctura, betg il davos tar la generaziun giuvna. È l’existenza da la Schlitteda pia garantida per l’avegnir? Ch'i saja la midada dal clima u betg, en l'absenza da l'element fundamental per la Schlitteda, numnadamain la naiv, han giuvens a Champfér demussà pragmatissem e flexibladad cun applitgar lur plan B.
RR actualitad mezdi 11:00