L’onn 1914 scriva el: “Musica na sun jau betg bun da giudair. La part raziunala u forsa er analitica en mai sa dosta cunter l’esser commovì e na savair betg daco.” 100 onns pli tard chattain nus en ils archivs da la musica moderna numerusas chanzuns da pop che sa refereschan a docter Sigmund Freud ed a sias teorias.
Pertge è quai uschia, tge collia la musica da pop cun la psicanalisa? Il Forum è ì a la tschertga, analisescha e prenda sut la marella texts, musica ed associaziuns concernent Sigmund Freud.