Cun rimnar e popularisar noss ertadi istoric han ins ditg propagà e francà ina schientscha rumantscha. Quella sa basava en emprima lingia sin ina cultura da prers e puraglia.
A questa cultura puril-religiusa d’in mez millenni, mancava dentant cun las midadas socialas ed economicas, suenter ils onns 1960, vi e pli la colliaziun cun la vita da mintgadi.
Tge ha qua da far cun la crisa da noss chors ed avra la cultura giuvenila novs orizonts per il futur dal rumantsch? Il Forum reflectescha premissas, cuntegns e strategia per ina nova chanzun d’acziun rumantscha.
