Il forum 2013-2014 - Pignas e banc-pignas – l'enviern vegn segir!
In proverbi engiadinais tuna: "L'inviern nun ha amo mai maglià il fraid". Era sche las temperaturas èn anc miaivlas savain nus tuts che sa proteger dal fraid fa part da l'enviern.
Dapi cura datti las pignas-scalegl u las pignas da plattinas? Metter fieu en pigna è in ritual tranter ils pli bels e star sin il banc-pigna è tschert ina da las bellas experientschas d'enviern.
La "cuotscha" en l'Engiadina – che vegn dal tudestg-svizzer "Gutschi" – represchenta l'olma da la stiva e sto restar en chasa era sche quella vegn vendida. E blers scripturs rumantschs la menziunan, sche era mo en passond.
