Il forum 2013-2014 - In tschientaner da poesia en Svizra
Dacurt è cumparida in'antologia che cuntegna la poesia moderna en Svizra da tut las quatter linguas. Roger Perret ha ramassà bundant 600 poesias da passa 200 poetessas e poets.
La collecziun cuntegna adina era las translaziuns en tudestg. Ina tala antologia è ina chaschun unica per preschentar la producziun poetica rumantscha ad in public pli vast.
Per nus in'occasiun per scuvrir puspè la ritgezza da nossa poesia: dals classichers sco Peer, Famos e Spescha fin a vuschs nunenconuschentas sco il pianist american u l'editura genevrina che han emprendì rumantsch ed han suenter sez scrit poesias.
