Cun di il pli curt vain il spendrament e cun el era dapli glisch. E co è quai en la natira? È l’enviern unicamain la stagiun crudela? Sche nus observain pli precis, vesain nus che l’enviern ha ina funcziun impurtanta.
La pausa d’enviern pussibilitescha la gronda pumpa durant la stad e pavel en surabundanza. Plantas ed animals han sviluppà differentas tacticas per surviver l’enviern. E l’enviern, cun tut sia crudelitad mortala, ha era ina funcziun per l’evoluziun.