Quell’ovra na cuntegna betg mo arias, duets ed ensembles d’ina bellezza mirvegliusa, mo era ina maschaida strusch chapaivla tranter divertiment e schoc. Il suttitel da l’ovra di che Don Giovanni saja in “dissoluto punito”: in um sfarfatg senza cunfins e scrupels che stoppia chattar ses chastì.
Ma sche i na dess betg quest Don Giovanni, tge savessan nus insumma da la forza dal eros e dal regl dal surmanar? Nus tadlain in dals pli enconuschents duets da quest’ovra en quatter versiuns differentas.