Il forum 2013-2014 - 200 onns Giuseppe Verdi e Richard Wagner
L’onn 1813 èn naschids ils dus gigants dal mund da l’opera, Verdi e Wagner. Omadus han refurmà, en il context da lur culturas naziunalas, l’opera ed il “drama musical” sco nagin auter.
Verdi, interessà a figuras istoricas e litteraras, ha mess en musica il cumbat dal singul cun ses destin, as basond sin librettists d’emprima qualitad.
Wagner perencunter, influenzà dal filosof Schopenhauer, ha cumponì in’entira mitologia germana, sa basond surtut sin legendas epicas dal temp medieval e scrivend sez ils texts. Sin il champ musical èn omadus gronds pioniers ed innovaturs.
