Il forum 2011-2012 - Paul Ragaz – in galiot refurmà
Paul Ragaz, in Grischun refurmà da Tumein, ha empruvà cun e senza success da manar sco guid ughenots franzos clandestinamain sur ils cunfins en Svizra.
El è vegnì arrestà il 1688 ed ha passentà silsuenter 12 onns en praschuns e sin galeras. El è restà fidaivel a sia confessiun refurmada, era sche ins ha offert ad el pliras giadas la libertad sche el daventia catolic.
Ragaz è daventà l’unfrenda da la finamira dal retg Louis XIV. da realisar ses siemi cun revocar il 1685 l’Edict da Nantes: la Frantscha sut in retg, ina lescha ed ina confessiun.
