Dentant sch'ins guarda en detagl, n'è quai betg adina la soluziun ideala. Ins vesa adina puspè ch'in manaschi effectiv pretenda era l'existenza d'ina gruppa d'interess ch'è pronta da s'engaschar, sco per exempel ils chatschaders.
In bun exempel per quest model èn ils capricorns ch'eran extirpads en il Grischun. Senza in engaschament exemplaric dals retgs da l'Italia e pli tard da chatschaders en differents pajais n'avessan ils capricorns betg survivì e fissan betg turnads enavos en il Grischun. Questa via è era oz dal tuttafatg actuala e vegn enchaminada en differents pajais.