La broschura da var 70 paginas cuntegna in u l’auter patratg detg dischagreabel. Kelek è persvadida che l’islam, sco che el vegn vivi actualmain en Europa, na saja betg cumpatibel cun las democrazias occidentalas. Ella pretenda dals abitants da l’Europa, pia da nus tuts, che nus defendian noss dretgs e nossa valurs, e che nus mettian cunfins – era a nossa toleranza.
Il Forum sa fatschenta cun l’analisa da Necla Kelek, cun sia broschura per part in pau polemica ed unilaterala dentant degna da vegnir legida.