Il forum 2011-2012 - L’aristocrazia e lur clientella
Il sistem politic da la Republica da las Trais Lias sa basava sin relaziuns persunalas, economicas e politicas tranter ils nobels regents ed il pievel cumin.
La ritgezza da famiglias sco ils Demonts, Sprechers, Salis u Plantas era la premissa economica per pudair sa deditgar insumma als uffizis. Ils uffizis furmavan lur basa politica ed eran a medem temp ina pussaivladad per s’acquistar dapli ritgezza.
Dentant mo tgi che aveva in bun sistem da clientella aveva era la basa electorala necessaria. Il Forum porscha in’invista en quest sistem da dependenzas ed avantatgs vicendaivels.
