L’album cumpiglia chanzuns e melodias dal tschientaner passà che ha gì in success internaziunal e che tanschan da “My Yiddishe Mamme” enfin a “O mein Papa”. Il spezial vi da quests tocs è, che els stattan en in stretg connex cun la mafia gidieua en America.
Il suttitel ha perquai era num: “Jewish Gangsters Greatest Hits” – ils pli gronds hits dals gangsters gidieus. Il Forum preschenta la musica e l’istorgia da questas chanzuns e raquinta dal grond interess dals boss mafius per questa musica.