John Barrow, in fisicher e cosmolog da l’Engalterra, ha scrit in cudesch bain legibel e fascinant davart ils univers. El mussa sco che Albert Einstein ha revoluziunà noss sguard sin il tschiel, e sco che ins ha descrit dapi alura ina pluna univers.
Chauds e fraids, da quels che sa movan e da quels statics, univers plain vita e da quels che chalan d’exister. In Forum davart ils univers cun lur secrets fisicals e las stailas en poesias e chanzuns rumantschas.