Theodor Fontane – in autur e publicist da renum – ha passa 70 onns cura ch'el cumenza a scriver in da ses romans ils pli reussids: "Effie Briest" è il num d'ina dunna giuvna che vegn sut las rodas da las convenziuns socialas. Ella è bella, spontana e plain vita.
Effie marida cun 17 onns e mora cun 29, damai che ses cor rumpa en il clima rigid da la societad prussiana cun ses codex d'onur e sias leschas diras che salvan la parita era sch'il singul va a frusta. Fontane na fa betg il moralist e truader. El be observa e reflectescha. E scriva in dals pli fascinants romans da la litteratura tudestga dal uschenumnà "realissem poetic".