L’intschertezza ans occupa fermamain, gist en temps da crisa sco ussa. L’uman modern n’ha atgnamain betg gugent quest sentiment, malgrà tut ses savair e sia tecnica.
L'uman fa tut per controllar l’intschertezza. Quella è però stada il motor dal svilup uman e sia cultura ed ans ha accumpagnà durant nossa evoluziun.
Strategias e plans per l’avegnir ans gidan encunter la tema e fan curaschi. Gugent delegain nus quai a politichers e managers ed essan era pronts d’acceptar tscherts excess. La schliaziun pudess dentant esser pli simpla, numnadamain d’acceptar l’intschertezza sco factur en nossa vita.
