I dat strusch in'ovra litterara che mussa pli persvadent che nus duvrain sper ils fatgs istorics era l'imaginaziun e la fantasia per chapir ils misteris che sa zuppan davos la persuna ed il agir d'in individi. Tranter las numerusas emprovas da caracterisar il renumà erox "senza caracter", cun num Jenatsch, è la versiun da C.F. Meyer segiramain la pli enconuschenta, mo era la pli raffinada.
Ins sa leger quest cudesch sin livels differents: quel da l'istorgia, quel da la celebraziun dal individi senza mesira e cunfins e quel da la strategia poetica - in cudesch plain tensiuns.