Il forum 2007-2008 - Stoic e fortunà

La stoa – ina scola filosofica – ha sia tgina en Grezia. La culminaziun ed il pli grond resun ha questa scola dentant chattà a Roma – cun il filosof Seneca. En sia scrittira “De vita beata” explitga el, tge che saja da considerar per pudair viver ina vita ventiraivla: chattar la dretga relaziun tranter virtids e plaschairs, betg daventar il sclav dals agens regls e betg ir en la faussa direcziun cun mo imitar quai che la gronda massa fa. Seneca vuleva mussar a ses scolars sco che ins anfla la cuntentientscha. Cunvegni d’eleger la via stoica er ozendi?