Il forum 2007-2008 - Reglas sco mantegnair la pussanza

Ina da las pli interessantas figuras ord il temp da la renaschientscha è il diplomat, secretari ed istoriograf Nicolò Machiavelli (1469-1527). En si' ovra "Il Principe" ha el sviluppà ideas sco che in manader politic stoppia agir per salvar sia pussanza. Sia teoria tge che saja tut lubì ad in prinzi per segirar ses domini ed evitar revoltas, tribulaziuns politicas e militaras è actuala fin ozendi. Machiavelli è il strateg da la pussanza, che sa futra dals arguments morals. E perquai constatescha el sco realist: "Tgi che vul mo il bun tranter tut quels che vulan il mal, va a frusta!"