Il forum 2007-2008 - Pubertad ed adolescents

La pubertad è quel temp nua che geniturs daventan difficils. Però er ils adolescents sa cumportan savens detg aparti. Ils midaments biologics che fa or d'uffants creschids è numnadamain er accumpagnà da midadas en lur cumportament e lur emoziuns. E quest temp intensiv è per ils geniturs in'aventura che cuntegna l'ina u l'autra trapla. Il Forum mussa daco che geniturs daventan difficils e tge che ins po far per surviver meglier quest temp da las midadas tar giuvenils ed en lur famiglias.