Ludvic Cathomen da Breil è emigrà il 1860 ensemen cun auters Sursilvans en l'America. Sco schuldà dals stadis dal nord è el sa participà a la guerra da secessiun (1861-65). En sia autobiografia raquinta Ludvic Cathomen dal fieu dals battagliuns, da las malsognas e da sia decoraziun d'onur tras il president Lincoln.
Suenter avair pers dunna ed uffant sa retira el pli trad cun dus auters Grischuns en in guaud dal Missouri. Els han runcà las plantas per construir in atgna farm. Adolf Collenberg preschenta en trais parts sequenzas da l'istorgia interessanta da Ludvic Cathomen.