Il forum 2007-2008 - L’onn basest

Quest onn è il favrer puspè in di pli lung. Tut quels che han anniversari ils 29 da favrer èn puspè quatter onns pli vegls. L’onn zop sco che ils Talians cloman l’onn basest dat ina buna occasiun per avrir ina fanestra si il temp. Pertge ha’l num basest e pertge era il di basest oriundamain ils 24 favrer? Tgi ha pruvà da curreger ils astronoms che avevan dividì l’onn en 365 parts? Porta el ventira u sventira? E tge faschevan ils umens en Engalterra cur che las mattas als dumandavan sco spus, quai che era usit en ils onns basests? A questas dumondas ed ad autras pruvain nus da dar resposta.