La novella da Bambi raquinta la vita d'in chavriel. La vita dals animals para bain reglada, mo l'uman porta inquietezza e terrur en l'idilla. Questa novella fiss probablamain ida en emblidanza, sche Walt Disney na vess betg fatg in film animà tut spezial. Quest film ha gì in grond resun ed influenzà nossa moda da percepir la natira.
L'effect da Bambi gioga ina gronda rolla en discussiuns davart la chatscha sin animals innocents. Il film è era in mussavia per la moda e maniera sco che ins po preschentar problems da maniera fitg simplifitgada e mussar uschia ina discrepanza tranter bun e nausch.