Il forum 2007-2008 - Kohelet

I dat en il Vegl Testament in cudesch in pau spezial. El sa numna "Il cudesch da Kohelet", mo vegn era clamà "Il predicatur Salomon". "Tut è mo ina buffada vent", scheva Kohelet gugent en vista al fatg che nossa vita è curta e che la mort spetga senza remischun sin ritgs e paupers. Datti insumma ventira sut las stailas sche la mort è uschè preschenta? Kohelet manegia: gea, sche ins è abel da viver il mument, da giudair ils bains da la terra e da renunziar sin speranzas vanas quai che pertutga l'auter mund. Il predicatur Kohelet è in maister da la provocaziun, e quai enfin al di d'oz.