Il forum 2007-2008 - Funtaunas

Gian Pol Godly è agricultur a Segl en Engiadin’Ota. Suenter ch’el veva emprais architect ha el lavurà en Svizra Bassa e blers onns era en Canada. Turnà en patria ha el decis da manar la pitschna agricultura da famiglia a Segl, en in ambient dominà dal turissem. Sias conuschientschas istoricas e culturalas al lian ferm cun ses ambient dominà dal Piz Lunghin, funtauna e sparta-auas per trais gronds flums en Europa. Las funtaunas e lur impurtanza per nus umans è in dals temas dal discurs cun Chasper Pult, in'emissiun directa da la Villa Garbald a Castasegna en Bergiaglia.