Il forum 2007-2008 - Far da chaun e da giat

Chalandamarz è mo pli ina regurdanza, il fraid n’è betg vegnì. “Chalandamars cha’l giat es ars” schevan noss antenats, il fraid “ardeva” perfin il giat che surviva uschiglio tut. Quest animal chasaun uschè derasà è pauc documentà en nossa litteratura. Ma proverbis datti blers, era da quels cumbinads cun ses inimi, il chaun. E forsa che nus pudessan perfin prender in exempel dad els: Magliar sco in giat e baiver sco in chaun stuain far per restar saun!