La stad 2007 è ritga d'exposiziuns: la Documenta a Kassel e la Biennale a Venezia mussan la lavur d'artists contemporans da l'entir mund.
Tge relaziun han ils Rumantschs cun l'art? Tge rituals datti tar vernissaschas ed aucziuns? Co sa sentiva Matias Spescha cur che el è emigrà cun 30 onns a Paris, e tgi è M.H. che è sepulì sin il santeri a Sent sut in crap e porta l'inscripziun Ars una est? Ils dus renumads artists svizzers Peter Fischli e David Weiss pretendan ch'i saja sco artists d'emprender a tadlar ed a far dumondas.