Il gestiunari da la rait d'energia svizra Swissgrid ha fatg l'onn 2023 in gudogn da 100 milliuns francs. Quai èn passa 3 milliuns dapli che l'onn avant. Sco quai che Swissgrid scriva, saja quai ina basa solida e ferma per las ulteriuras modernisaziuns da la rait d'energia svizra.
Il augment da gudogn è en l'emprima liga d'attribuir a servetschs generals, sco per exempel mesiraziuns e coordinaziuns dal sistem d'electricitad. Ils onns passads ha Swissgrid investì radund 220 milliuns francs per reorganisar e modernisar la rait en Svizra.
Betg cuntent è la Swissgrid ch'i manca ina cunvegna davart l'electricitad cun l'Europa. Swissgrid veva declarà envers la «NZZ» che la Svizra sa distatgia pli e pli dal martgà d'electricitad europeic. Quai pericliteschia la stabilitad da la rait e per las ovras electricas saja grev da s'integrar en l'Europa senza ina cunvegna.