Ella ha 72 onns, ma cura che ella va cun ses dus bastuns a la tschertga da murachels, lura chamina Maria sco ina da 20 onns. Maria Tuor Bass è dapi prest 30 onns ina vaira passiunada da murachels. La passiun da bulieus è vegnida tschentada en tgina a dunna Maria.
Sco gronda famiglia è la racolta e la vendita da bulieus adina stada ina pitga d’entradas supplementaras per la famiglia Bass. «Nus tramettevan bulieus mellens cun il tren enfin a Losanna per tredesch francs per kilogram. Quai eran bels daners da quai temp». Era en il Volg da Sumvitg pudevan ins cumprar ils chantarels mellens da la famiglia Bass. Ils «Paulins» – sco els vegnivan numnads a Sumvitg, valevan sco experts da bulieus.
Ins numnava nus la firma da bulieus.
Oz tutga la tschertga da bulieus e murachels tar ils gronds hobis da Maria e ses fragliuns.
audio
Lieus tipics per chattar la delicatessa
08:09 min, ord Nossa cuschina dals 17.04.2024.
Maletg: Maria Tuor
laschar ir. Durada: 8 minutas 9 Secundas.
audio
Il murachel da spaisa
06:10 min, ord Nossa cuschina dals 10.04.2024.
Maletg: Maria Tuor
laschar ir. Durada: 6 minutas 10 Secundas.
audio
La fevra da murachels ha cumenzà
06:03 min, ord Nossa cuschina dals 03.04.2024.
Maletg: Maria Tuor
laschar ir. Durada: 6 minutas 3 Secundas.
L’onn passà saja stà in onn da record. Maria Tuor sa regorda d’avair chattà cun sias soras e cun ses frar passa 160 murachels en in di. Ina vaira festa per tuts! A maisa vegn discurri fitg savens da bulieus, uss crescha dentant la fevra dad ir a murachels. En Nossa cuschina da l'avrigl accumpogna Gaby Degonda Maria Tuor sin pastgira e prà a la tschertga dals lieus secrets nua ch'ins po chattar murachels tranter la fin da mars e mez matg. Maria Tuor ans declera nua ch'ins po chattar las trais sorts da murachels giudibels.
Murachels la passiun da Maria
1 / 13
Legenda:
Emprim salid da la primavaira 2024
Maria Tuor ha quist onn chattà ils emprims murachels trais dis pli baud che l'onn passà.
Maria Tuor
2 / 13
Legenda:
Bella emprima raccolta 2024
Maria Tuor ha cumenzà cun fortuna la stagiun da murachels grischs. Per Pasqua hai dà ina bella purziun.
Maria Tuor
3 / 13
Legenda:
Ins sto guardar fitg bain per terra per chattar els.
Maria Tuor ha in bun nas ed in bun egl per chattar murachels zuppads.
Maria Tuor
4 / 13
Legenda:
Ils murachels en piz en la classa pli fina.
Pli giuven che il murachel en piz è, e pli clera sia colur.
Maria Tuor
5 / 13
Legenda:
Il murachel da spaisa ha aspect da spungia.
Il temp dals murachels da spaisa cumenza l'avrigl.
Maria Tuor
6 / 13
Legenda:
Murachels 2024 pronts per la setgentera.
Maria dat gronda paisa sin murachels bain nettejads.
Maria Tuor
7 / 13
Legenda:
In murachel en piz tranter il mistgel
Ils murachels pon crescher a l'ur dal guaud ma era sut plantas a mez il prà.
Maira Tuor
8 / 13
Legenda:
Ina bella truvaglia da l'onn passà.
Maria Tuor celebrescha ils murachels era cun regalar els ad enconuschents.
Mairia Tuor
9 / 13
Legenda:
Buna racolta da murachels en piz
Murachels en piz lavads per schelar u setgentar.
Maria Tuor
10 / 13
Legenda:
Maria Tuor e ses fargluns han gì fortuna.
Forsa che quai ha propi insatge vair era oz: «In numnava nus la firma da bulieus».
Maria Tuor
11 / 13
Legenda:
«Cura che jau poss ir a tschertgar murachels emblid'jau tut».
LêEntschatta mars n'eran ils murachels anc betg denturn.
RTR
12 / 13
Legenda:
Ina spunda cun potenzial da chattar murachels.
Ins sto chaminar plaun e guardar bain nua ch'ins passa.
RTR
13 / 13
Legenda:
Il murachel tissientà.
«La nua che quest murachel tissientà crescha, na datti betg pli murachels», di Maria Tuor.
Maria Tuor
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
