Zambregiar - La mieur da palpiri

Il material necessari per zambregiar:

• palpiri oransch
• palpiri brin
• palpiri nair
• forsch
• colla
• fieuter nair
• egls da plastic
• perfurader
• rispli
• colla chauda
• bindel
• corda da fildarom

Material supplementar per decorar la mieur:

• palpiri per il gnieu
• plimas
• curals
• crosas
• fains
• flurs setgas
• bindel

Instrucziun pass per pass

1. Sco emprim dastgas ti malegiar giu las schablonas per il corp, las ureglias, las chommas, la bratscha ed il nas sin ils differents palpiris.
2. Il corp vegn malegià giu sin palpiri oransch, las ureglias, las chommas e la bratscha sin palpiri brin ed il nas sin palpiri nair. Mintga part dal corp vegn malegiada ina giada (auter ch’il corp ed il nas, lez vegnan malegiads giu duas giadas).
3. Cura che quai e gartegià, pos ti tagliar or tut las parts dal corp da la mieur.
4. Suenter entschavain nus a tatgar ensemen il corp da la mieur. Sco emprim astgas ti tatgar vidlonder las ureglias – e quellas tatgas sisum dal tut.
5. Cura che ti has fatg quai, cuntinueschas cun la bratscha. In bratsch d’ina vart e l’auter da tschella vart (cun far quai, guardar che els èn circa entamez il corp).
6. Sco davos èsi anc da tatgar vidlonder las chommas.
7. Ussa ha tia mieur d’avair vi dal corp las ureglias, la bratscha e las chommas.
8. Sco proxim pass stos ti volver tia mieur e tatgar sin la vart davos anc il segund corp. Quai, per ch’ins vesa la mieur dad omaduas varts.
9. La mieur n’ha dentant anc naginas griflas vi da sia bratscha e sias chommas. Las griflas pos ti malegiar cun in fieuter nair.
10. Sco proxim pass has ti da tatgar vidlonder ils egls ed il nas da la mieur.
11. Uss mancan anc ils barbis da la mieur. Quels pos ti far tenor tia fantasia. La mieur en l’ exempel ha survegnì barbis or d’ina corda da fildarom.
12. Uss has ti finì tia mieur. Sche ti avessas gugent ina mieur da Pasca, dastgas ti decorar ella tenor agen gust. Qua chattas ti in bel exempel per decorar la mieur cun in gnieu da Pasca.

Pass per pass

Instrucziun sco PDF / Bastelanleitung