A la fin èsi stà ina clera chaussa. Roger Federer batta il Franzos Richard Gasquet en trais sets cun 7:6, 6:1 e 6:4. Sulettamain en l'emprim set ha Federer giu da cumbatter cunter il Franzos. Gia en l'emprim game da la partida ha Federer stuì defender trais ballas da break. A la fin n'ha Gasquet dentant pudì nizzegiar betg ina singula balla da break.
En la proxima runda frunta l'anteriur numer in dal mund sin il Brit Cameron Norrie, il numer 34 dal mund. Sin nivel dad ATP n'han Federer e Norrie anc mai giugà in cunter l'auter. Al Hopman Cup il 2018 aveva Federer gudagnà cleramain cun 6:1 e 6:1. Il 2021 han dentant sulettamain dus giugaders da tennis gudagnà dapli partidas ch'il Brit da 25 onns.
